Iroqning Basra viloyatida Arbain ziyoratida ishtirok etish uchun Karbaloga yo‘l olgan ziyoratchilar karvoni orasiga avtomobil kirib ketishi oqibatida kamida 10 kishi halok bo‘ldi, yana 12 kishi jarohat oldi.
Fojia mahalliy vaqt bilan soat 03:00 atrofida Basraning shimoli-sharqidagi Harisa tumani hududidagi avtomobil yo‘lida sodir bo‘lgan.
Mahalliy manbalarga ko‘ra, haydovchi mast holatda bo‘lgan bo‘lishi mumkin. Biroq, ushbu ma’lumot hozircha rasman tasdiqlangani yo‘q.
Hodisadan so‘ng Basra yo‘l harakati polisiyasi yo‘lning mazkur qismini transport harakati uchun yopdi. Xavfsizlik kuchlari voqea joyini o‘rab olgan va fojia sabablarini aniqlash bo‘yicha tergov ishlarini boshlagan.
Arbain ziyorati dunyodagi eng yirik diniy tadbirlardan biri hisoblanadi. Har yili millionlab shia musulmonlari Karbalo shahriga piyoda ziyorat qilish uchun yo‘lga chiqadi.
Toshkentdagi musobaqada Isroil bayrog‘ini ko‘rsatgani uchun isroillik o‘quvchining oltin medali bekor qilindi
AQSh elchisi dunyo boshqaruvini yahudiylarga berish taklifi bilan chiqdi
Turkiya Isroilga javob zarbasini rejalashtirmoqdami?
