Iqtisodiyot o‘sishi sababli Vyetnamda qum tugamoqda

Iqtisodiy o‘sish va transport infratuzilmasi rivojlanishi tufayli Vyetnamda qum tugab bormoqda.

Bloomberg nashri xabar berishicha, 2018 yilda AQSh prezidenti Donald Tramp Xitoy bilan savdo urushini boshlagan va buning natijasida zavodlar Xitoydan Vyetnamga ko‘chirilgan edi. Bu 2024 yilda yalpi ichki mahsulot 7 foizga o‘sishi bilan mamlakatda iqtisodiy bumni keltirib chiqardi.

Biroq, ishlab chiqarishning o‘sishi transportda muammolarni keltirib chiqardi. Ushbu muammolarni hal qilish uchun Vyetnam hukumati yo‘llarni kengaytirish va yangi yo‘nalishlarni yaratish bo‘yicha keng ko‘lamli infratuzilma loyihalarini boshladi, Kambodja qumi qurilish uchun asosiy resurs hisoblanadi.

Ammo hozir Vyetnam qum tanqisligini boshdan kechirmoqda. U daryolardan olinadi, biroq daryo qirg‘og‘ining bir qator qulashi uylar vayron bo‘lganidan va mahalliy aholining noroziligiga sabab bo‘lganidan so‘ng, hukumat sohaga oid qoidalarni kuchaytirdi.

"Magistral loyihalarni ta’minlash uchun qum qazib olishni kengaytirish qiyin, chunki hukumat sanoatni yanada qattiqroq tartibga soladi", dedi Xanoydagi RMIT universitetining infratuzilma bo‘yicha mutaxassisi Xung Nguyen.

Echim izlab, Vyetnam hukumati o‘tgan yili Mekong daryosidan qum sotib olish uchun Kambodjaga murojaat qildi. Kambodja qum importi 2023 yilda uch baravar, 2024 yilda esa ikki barobar ortadi.

Endi Vin-Siong shahri har kuni yuzlab barjalarni qabul qiladi. Planet Labs va Maxar Technologies sun’iy yo‘ldosh tasvirlariga ko‘ra, 2024 yil 9 martda u yerda 385 ta barja bor edi, 2020 yilning fevralida esa 83 ta barja edi.