Intellektual mulkni muhofaza qiluvchi portal ishga tushiriladi

«Intellektual faoliyat natijalarini rag‘batlantirish hamda sohaga zamonaviy axborot-kommunikasiya texnologiyalarini joriy etishni kengaytirishga oid qo‘shimcha chora-tadbirlar to‘g‘risida»gi Prezident qarori qabul qilindi.

Qarorga ko‘ra, quyidagilar 2026–2027 yillarda intellektual mulk sohasini rivojlantirishning asosiy maqsadli ko‘rsatkichlari etib belgilandi, jumladan:

• mamlakatda ro‘yxatdan o‘tkazilgan intellektual mulk ob’ektlari sonini 100 mingtaga yetkazish;
• intellektual mulk ob’ektlarini ro‘yxatdan o‘tkazish jarayonida texnologiyalaridan foydalanish orqali ekspertiza muddatlarini 2 barobarga qisqartirish.

Adliya vazirligining «Sanoat mulki muhofazasi» va «IP Protection» axborot portallari negizida quyidagilarni amalga oshirish imkonini beruvchi «Intellektual mulk muhofazasi» portali ishga tushiriladi:

• intellektual mulk masalalariga oid murojaatlarni qabul qilish;
• intellektual mulk ob’ektlari bilan bog‘liq shartnomalarni onlayn tuzish.
• kontrafakt tovarlar hamda intellektual mulk huquqlarini buzganligi uchun faoliyati cheklangan veb-saytlar to‘g‘risidagi ma’lumotlarni joylashtirish.