FIFA prezidenti Janni Infantinoning mavqei tobora zaiflashmoqda. Unga nisbatan xalqaro futbol hamjamiyati ichida ham, tashkilotdan tashqarida ham bosim kuchaygan.
Infantino Jahon chempionatini xususiy sarmoyalar uchun ochish va musobaqaning tijoriy huquqlariga xususiy investorlarni jalb qilish rejasini ilgari surgan edi. Biroq futbol tashkilotlari va federasiyalarining keskin qarshiligi ortidan u ushbu tashabbusdan voz kechdi.
Bu qaror Infantinoning boshqaruv uslubi va FIFAni boshqarishdagi yondashuvi bo‘yicha tanqidlarni yanada kuchaytirdi. Ayrim futbol federasiyalari uning qarorlarni qabul qilish jarayonida yetarlicha maslahatlashmaganini va tashkilotni haddan tashqari markazlashtirib boshqarayotganini ta’kidlamoqda.
Eng katta muammo esa Infantinoning qayta saylanishi masalasida yuzaga keldi. U 2027 yil mart oyida FIFA prezidenti lavozimiga to‘rtinchi va yakuniy muddatga saylanishni rejalashtirgan.
Avvalroq uning qayta saylanishi deyarli kafolatlangan, hatto unga raqib chiqmasligi mumkin, degan qarash ustun edi. Ammo so‘nggi voqealardan keyin vaziyat keskin o‘zgardi.
Uels, Serbiya va Shvesiya futbol federasiyalari Infantinoning qayta saylanishini qo‘llab-quvvatlashdan voz kechgan. Angliya futbol assosiasiyasi ham shunday qaror qabul qilishi mumkinligi aytilmoqda.
Shu tariqa, Infantinoning 2027 yildagi qayta saylanishi avvalgidek oson kechishi kutilmayapti. Uning to‘rtinchi muddatga saylanishi endi jiddiy raqobat va FIFA a’zolari o‘rtasidagi siyosiy kurashga bog‘liq bo‘lib qolishi mumkin.
Toshkentdagi musobaqada Isroil bayrog‘ini ko‘rsatgani uchun isroillik o‘quvchining oltin medali bekor qilindi
Braziliyalik afsonaviy futbolchi Roberto Karlos musulmon bo‘lgani haqidagi mish-mishlarga munosabat bildirdi
"100 million dollar evaziga hatto o‘z otamning ham yuziga uraman"
