Ikkinchi “tinchlik sammiti” avvalroq rejalashtirilganidek, noyabrda bo‘lmaydi

Bu haqda Ukraina prezidenti devoni rahbarining maslahatchisi Daria Zarivna ma’lum qildi.

"Noyabr oyida ikkinchi tinchlik sammiti o‘tkazilmaydi. Lekin uni o‘tkazish uchun hamma narsa tayyor bo‘lishi kerak. Hozircha tinchlik formulaning har bir bandi bo‘yicha tematik konferensiyalar o‘tkazilib, ular maxsus hujjatlar qabul qilinishi bilan yakunlanadi. Ushbu hujjatlarning asosiy qoidalari bo‘lajak ikkinchi sammitning “tinchlik rejasi” uchun asos bo‘ladi", — deya aniqlik kiritdi maslahatchi The Telegraph nashriga bergan izohida.

Eslatib o‘tamiz, Zelenskiy Rossiya taklif etilishi rejalashtirilgan ikkinchi “tinchlik sammiti” natijasida urushni to‘xtatmoqchi ekanligini bir necha bor ta’kidlagan edi.