Qashqadaryo viloyati bolalar ko‘p tarmoqli tibbiyot markazida ikki yoshli bemorda lazerli endourologik jarrohlik amaliyoti muvaffaqiyatli bajarildi.
“Siydik-tosh kasalligi. O‘ng buyrak toshlari. Gidronefroz o‘ngda. II daraja” tashxisi bilan muassasaning urologiya bo‘limiga keltirilgan Doniyorjonning o‘ng buyragida 2 ta tosh borligi tasdiqlandi.
Jarrohlar ingichka naycha orqali bolaning buyragidagi toshlarni lazerda maydalab, chiqarib olishdi.
Amaliyot kam invaziv usulda bajarilgani tufayli Doniyorjonga 3 kunda uyiga ruxsat berilishi kutilmoqda.
