«Real» hamda Ispaniya milliy jamoasi sobiq darvozaboni Iker Kasilyas «Qirollik klubi»ga qaytdi, deya xabar bermoqda klub rasmiy sayti.
Ispaniyalik sobiq darvozabon «Real» klubi bosh direktori o‘rinbosari sifati ish boshlagan.
«Kasilyas — «Real» afsonasi, u klubimiz qadriyatlarini o‘zida mujassamlashtirgan, jamoamiz tarixidagi eng yaxshi darvozabon sanaladi. Klubning buyuk sardorlaridan biri jamoaga qaytganidan «Real» faxrlanadi», - deyiladi rasmiy saytda.
Ma’lumot uchun, Kasilyas Madrid klubidagi faoliyati davomida 19ta sovringa ega chiqqan. Jumladan, 3 marta Chempionlar ligasi g‘olibligi, 3 karra klublar o‘rtasidagi JCh sovrini, 2ta Yevropa Superkubogi, 5 karra La Liga chempionligi, 4 karra Ispaniya Superkubogini qo‘lga kiritgan.
