Sanjar Karimov ustidan borayotgan sud majlisida uning uyida o‘tkazilgan tintuvda qatnashgan IIB tezkor xodimlari ko‘rsatma berdi.
Ma’lum bo‘lishicha, IIB tezkor xodimlaridan biri tintuv paytida Sanjar Karimovga tegishli buyumni hech kimga bildirmagan holda xonadondan olib chiqib ketgan. So‘ngra ushbu buyumni mashinasiga qo‘ygan. Narkologiyaga olib borish uchun ushbu mashinaga chiqarilgan Sanjar Karimov o‘ziga tegishli buyumni tanib qolgan.
IIB tezkor xodimi buni sud majlisida tan oldi. U buyumni “qo‘lida o‘ynab o‘tirib, olib chiqib ketib qolgani”ni aytdi.
“Narkologiyaga borayotganimizda mashinangizda o‘zimning firmamga tegishli bo‘lgan brendli narsani ko‘rib qolganimga qanday izoh berasiz?” – deb so‘radi Sanjar Karimov sudda so‘roq qilingan jinoyat qidiruv bo‘limi xodimidan.
“Ha, esimdan chiqibdi, to‘g‘ri. Breloksimon narsa bor ekan. Haqiqatan, qo‘lim bilan o‘ynab, olib chiqib ketibman. Narkologiya bo‘limiga birga bordim. Agar rozi bo‘lsangiz, menda qoladi, desam “men roziman”, deb aytdilar”, – deya izoh berdi tezkor xodim.
Sanjar Karimov tintuv paytida qimmat soatlari bo‘lganini aytib, hozirda ularning hammasi joyida ekaniga shubha bildirdi.
“Siz kafolat bera olasizmi hamma qimmatbaho narsalar o‘sha yerda borligiga, hech kim tegmaganiga?” deb so‘radi u tezkor xodimdan.
IIB xodimi faqat o‘zi olgan narsani aytishini, u yerdagi har bitta detalga javob berolmasligini ma’lum qildi.
Koreyada vafot etgan o‘zbekistonlik qiz haqida rasmiy bayonot berildi
Eron Isroil bilan aloqa qilganligi uchun yuqori lavozimli amaldorni qatl qildi
“Katta jarimalar bo‘ladi”: Soliq qo‘mitasi raisi umumiy ovqatlanish korxonalarini biznesni bo‘lmaslikka chaqirdi
