Husiylar Yamanning g‘arbiy sohilidagi Al-Moha port-shahrini egallab olib, Qizil dengizdagi Hanish orollariga hujum boshladi

Bu haqda Yamandagi manbalarga tayanib, Reuters va AFP xabar bermoqda.

Saudiya Arabistoni tomonidan qo‘llab-quvvatlanadigan Yaman hukumat kuchlaridagi manbaning AFP agentligiga ma’lum qilishicha, husiylar Al-Moha portini o‘z nazoratiga olgach, strategik ahamiyatga ega Bob al-Mandeb bo‘g‘ozi yo‘nalishida hujumni davom ettirmoqda.

Harbiy manbaning xabar berishicha, husiylar raketa zarbalari va katerlar yordamida amalga oshirilgan hujumdan so‘ng Qizil dengizning janubiy qismidagi Zukar orolini ham bosib olgan.