Hukumati prezidentni hokimiyatdan chetlatish bo‘yicha parlamentga tuzatishlar kiritdi

Vengriya Bosh vaziri Peter Madyar prezidentni hokimiyatdan chetlashtirish bo‘yicha konstitusiyaviy tuzatishlar loyihasini parlamentga taqdim etdi.

Bu haqda Vengriya Bosh vaziri Peter Madyar videomurojaatda e’lon qildi.

"Biz hozirgi tuzatishlar funksional va "insonparvar" Vengriya sari katta qadam ekanligiga aminmiz... Bugun parlamentga taqdim etilgan har bir bandning bitta maqsadi bor: Vengriya davlatining endi garovda qolmasligini ta’minlash", deya qo‘shimcha qildi u.

Uning so‘zlariga ko‘ra, Vengriyada yangi konstitusiya ishlab chiqiladi, u keyinchalik, ehtimol kuzda milliy referendumga taqdim etiladi.

Tuzatishlar amaldagi Vengriya prezidenti Tamash Shuyokning vakolatlarini tugatish, parlament a’zolarining vakolat muddatini uchta to‘rt yillik muddat bilan cheklash va Konstitusiyaviy sud a’zolari uchun yosh chegarasini 70 yosh bilan belgilashni o‘z ichiga oladi. Bundan tashqari, hujjat sud hokimiyatining mustaqilligini mustahkamlash, Davlat aktivlarini tiklash va himoya qilish bo‘yicha milliy idorani tashkil etish, Konstitusiyaviy sud vakolatlarini kengaytirish va davlat idoralari ustidan demokratik nazoratni kuchaytirish choralarini ko‘radi.

"Yangi prezident Vengriya parlamenti tomonidan konstitusiyaviy jarayon tugagunga qadar besh yilgacha muddatga saylanadi. Ushbu saylov shu yozda bo‘lib o‘tishi kutilmoqda", dedi Madyar.