Hindistonning Ximachal-Pradesh shtatidagi Bilaspur tumanida 30 yo‘lovchini olib ketayotgan xususiy avtobusni bosib ketgan kuchli ko‘chki oqibatida kamida 18 kishi halok bo‘ldi.
Bu haqda India Today nashri xabar bermoqda.
Ma’lumotlarga ko‘ra, ko‘chki Ballu ko‘prigi yaqinida sodir bo‘lib, Marotandan Kalaulga ketayotgan avtobusni butunlay ko‘mib tashlagan. Voqea joyida favqulodda xizmatlar ishlamoqda.
Hindiston bosh vaziri Narendra Modi halok bo‘lganlarning oila a’zolariga hamdardlik bildirdi va Bosh vazirning yordam jamg‘armasidan tovon puli to‘lanishini e’lon qildi.
