Hindiston shimolida yuz bergan kuchli yomg‘irlar natijasida 19 kishi halok bo‘ldi

Hindiston shimolida kuchli yomg‘irlar oqibatida yuzaga kelgan ko‘chki va suv toshqinlari natijasida kamida 19 kishi halok bo‘ldi.

NDTV ma’lumotlariga ko‘ra, Jammu va Kashmir ittifoq hududida 11 kishi halok bo‘lgan. Kuchli yomg‘irlar Punch va Radjuri chegaradosh tumanlarida ko‘chki va suv toshqinlariga sabab bo‘lgan.

Bir necha kishi bedarak yo‘qolgan deb xabar qilinmoqda. Qidiruv-qutqaruv ishlari davom etmoqda.

Toshib ketgan daryolar pasttekislik hududlarini suv bosdi. Poonch shahrida suv toshqinlari o‘nlab avtomobillarni olib ketdi, ko‘plab avtomobillar suv ostida qoldi.

Dastlabki ma’lumotlarga ko‘ra, Nagaland shtatida sodir bo‘lgan ko‘chkida sakkiz kishi, jumladan, bolalar halok bo‘lgan. To‘rt qurbonning jasadi allaqachon vayronalar ostidan chiqarilgan va qidiruv-qutqaruv ishlari davom etmoqda. Ko‘chki bir nechta turar-joy binolarini ham vayron qilgan.

Hindiston meteorologiya xizmati ma’lumotlariga ko‘ra, mamlakatning shimoliy qismlarida o‘rtacha va kuchli yog‘ingarchilik kamida 23 iyulgacha davom etadi.

Hukumat aholini ehtiyot choralarini ko‘rishga chaqirdi.