Hindiston fuqarolari uchun O‘zbekistonga vizasiz kirish tartibi joriy etiladi

Prezident farmoniga ko‘ra, 2026 yil 1 sentyabrdan Hindiston fuqarolari uchun yangi tartib amal qiladi. Unga ko‘ra, Avstraliya, AQSH, Buyuk Britaniya, Kanada, Janubiy Koreya, Shengen davlatlari, Yangi Zelandiya yoki Yaponiyaning amaldagi ko‘p martalik turizm yoki biznes vizasiga ega bo‘lgan hamda aviachiptasini taqdim etgan Hindiston fuqarolariga O‘zbekistonga 30 kungacha vizasiz kirish imkoniyati beriladi . Tartib xorijiy vizalardan birining amal qilish muddati davomida qo‘llaniladi.