HAMAS tomonidan asirga olinganlarning yaqinlari Netanyaxuga qarshi norozilik namoyishlariga chiqdi

HAMAS tomonidan asirga olinganlarning yaqinlari Netanyaxuga qarshi norozilik namoyishlariga chiqdi.

Ko‘p ming kishilik namoyish ishtirokchilari Isroil bosh vaziri Binyamin Netanyaxudan HAMAS harakati tomonidan garovda saqlanayotganlarni yagona kelishuv asosida ozod qilishni talab qilishdi. Garovdagilarni oilalarining fikricha, Netanyaxu balandparvoz so‘zlar va shiorlar ortida haqiqiy rejasining yo‘qligini yashirmoqda.

Isroil hukumati ma’lumotlariga ko‘ra, hozirda G‘azo sektorida garovda 24 nafar tirik shaxs bor, shuningdek, 35 nafar asirning jasadlari qolmoqda.

"Bu jasoratli va sionistik harakatlardan voz keching. Agar buning uchun urushni tugatish kerak bo‘lsa – unda urushni tugating!", – deya ta’kidladi fevral oyida G‘azodagi asirlikdan ozod etilgan Omer Shem-Tov Tel-Aviv markazida o‘tgan mitingdagi chiqishida.

"Isroil va HAMAS o‘rtasidagi tinchlik va garovdagilarni ozod qilish bo‘yicha bilvosita muzokaralar tomonlar o‘rtasidagi jiddiy kelishmovchiliklar sababli boshi berk ko‘chaga kirib qolgan. HAMAS oxirgi garovdagilar ozod qilinishi evaziga Isroil harbiy harakatlarni to‘xtatib, o‘z qo‘shinlarini G‘azo sektoridan olib chiqishiga kafolat berishini talab qilmoqda. Netanyahu hukumati esa G‘azoda HAMASni to‘liq yo‘q qilish va sektorning ayrim hududlarida doimiy harbiy ishtirokni saqlab qolish tarafdori", deb yozadi DW.