Habibning mashhur papaxlari kimoshdi savdosiga qo‘yiladi

Bu haqda rossiyalik taniqli tadbirkor, "Telegram" messenjeri asoschisi Pavel Durov xabar berdi.

Uning aytishicha, 37 yoshli UFC shon-shuhrat zali a’zosi, yengil vazn toifasida sobiq UFC chempioni Habib Nurmagomedovning mashhur papaxlari bugun kimoshdi savdosida sotuvga qo‘yilishini aytdi.

"Afsonaviy Habibning papaxlari bugun "Telegram"da kimoshdi savdosiga qo‘yiladi - an’analar, erkinlik va hurmatni ifodalovchi kolleksiya buyumlari. 29-0 rekordi bilan mag‘lub bo‘lmagan chempionning o‘zi aytganidek: "Ba’zi sovg‘alar shunchaki qimmatli emas - ular ma’noga ega" - deb yozdi Durov o‘zining X ijtimoiy tarmog‘idagi sahifasida.