Rossiyalik UFC jangchisi Habib Nurmagomedov AQShda samolyot bortida sodir bo‘lgan voqea va undan samolyotni tark etishi so‘ralgan voqeaga izoh berdi. Samolyot Las-Vegasdan Los-Anjelesga uchayotgan edi.
Sportchi undan o‘rindiqlarini almashtirishni so‘ragan styuardessaning xatti-harakatini "provokasiya" deb atadi. Uning so‘zlariga ko‘ra, styuardessa dastlab juda qo‘pol munosabatda bo‘lgan.
“Menga savollar bilan murojaat qilgan ayol boshidanoq juda qo‘pol edi, garchi men ingliz tilida yaxshi gapirsam va hamma narsani tushunsam ham, u mendan joyimni tark etishimni talab qildi. Buning sababi nima edi - irqiy, milliy yoki boshqa narsa, men aniq ayta olmayman. Ammo ikki daqiqalik suhbatdan so‘ng u xavfsizlik xizmatiga qo‘ng‘iroq qildi, meni samolyotdan tushirishdi, bir yarim soatdan keyin esa boshqa aviakompaniyaga o‘tirib, manzilimga uchib ketdim”, — deb yozdi Nurmagomedov ijtimoiy tarmoqdagi sahifasida.
U "xotirjam bo‘lish va provokasiyaga berilmaslik uchun" qo‘lidan kelganini qilganini ta’kidladi.
“Ekipaj keyingi safar mijozlarga xushmuomala bo‘lishi lozim”, deb qo‘shimcha qildi sportchi.
O‘z navbatida Frontier Airlines aviakompaniyasi Habib Nurmagomedov bilan bog‘liq voqea yuzasidan tergov boshladi.
"Biz voqeadan xabardormiz va tergov olib bormoqdamiz", - deya javob berdi kompaniya Nurmagomedovning X ijtimoiy tarmog‘idagi xabariga.
Daniya AQSh tajovuzi bo‘lsa, Rossiyaga murojaat qilishni taklif qildi
Moskva AQShga "javob" va’da qilmoqda
Ukrainadagi kelishuv tafsilotlari oshkor bo‘ldi
