Philenews xabariga ko‘ra, Korfu orolidan atigi bir necha daqiqa oldin ko‘tarilgan Boeing 757-300 samolyotining dvigatelida yong‘in chiqqan.
Reysni Condor Airways aviakompaniyasi amalga oshirgan. O‘ng dvigatel taxminan 460 metr balandlikda ishdan chiqqan. Uchuvchilar uni o‘chirishga harakat qilgan, biroq parvozni bitta dvigatelda davom ettirishga qaror qilgan. Samolyot 2,4 kilometr balandlikda harakatlanib, Italiyaning Brindizi aeroportiga favqulodda qo‘ngan.
Qo‘nishdan so‘ng yo‘lovchilar tunni mehmonxonada o‘tkazgan. Jabrlanganlar haqida ma’lumot mavjud emas.