Google birinchi marta sun’iy intellekt chipini kosmosga yubordi — orbital data-markaz yaratish rejalashtirilmoqda

Google o‘zining sun’iy intellekt uchun mo‘ljallangan TPU chipini SpaceX Falcon 9 raketa-tashuvchisi orqali orbitaga chiqarilgan sun’iy yo‘ldosh bortida kosmosga yubordi. Suncatcher loyihasi doirasida kompaniya chipning radiasiya, cheklangan energiya ta’minoti va sovitish muammolari mavjud kosmik sharoitda barqaror ishlay olishini sinovdan o‘tkazadi. Hozircha qizib ketishning oldini olish uchun chip qisqa seanslarda ishlaydi.

Google 2027 yilda lazer kanali orqali ma’lumot almasha oladigan va murakkabroq hisob-kitoblarni bajaradigan yana ikkita sun’iy yo‘ldoshni uchirishni rejalashtirmoqda.

Kelajakda kompaniya sun’iy intellekt vazifalarini parallel qayta ishlaydigan yagona hisoblash klasteriga birlashtirilgan 81 ta sun’iy yo‘ldoshdan iborat orbital data-markaz yaratish imkoniyatini ko‘rib chiqmoqda.