Goal.com portali 2023 yil uchun "Oltin to‘p"ga da’vogarlarning yangilangan versiyasini e’lon qildi.
Ro‘yxatda "PSJ"ning argentinalik hujumchisi Lionel Messi yetakchilik qilmoqda. Ikkinchi pog‘onada "Manchester Siti"ning norvegiyalik hujumchisi Erling Xoland, uchinchi pog‘onada Messining jamoadoshi, avvalgi versiyada ikkinchi pog‘onada joylashgan fransiyalik Kilian Mbappe turibdi.
Shuningdek, top-o‘ntalikdan Viktor Osimhen ("Napoli"/Nigeriya), Vinisius Junior ("Real Madrid"/Braziliya), Xvicha Kvarasxeliya ("Napoli"/Gruziya), Markus Reshford ("Manchester Yunayted"/Angliya), Robert Levandovski ("Barselona"/Polsha), Kazemiro ("Manchester Yunayted"/Braziliya) va Bukayo Saka ("Arsenal"/Angliya) joy oldi.
