Germaniyada yangi kanslerga ishonch past — fuqarolarning qariyb yarmi Mersdan norozi

Germaniya fuqarolarining atigi 23 foizi Fridrix Mersning kanslerlik faoliyatining dastlabki kunlaridan keyingi faoliyatini ijobiy baholadi.

Bu haqda INSA instituti tadqiqotiga tayanib, Bild yozmoqda.

So‘rov natijalariga ko‘ra, respondentlarning deyarli yarmi - 49 foizi uning ishidan noroziligini bildirgan, 28 foizi javob berishga qiynalgan.

Aniqlik kiritilishicha, so‘ralganlarning atigi 29 foizi XDI/XSI va GSDPdan tashkil topgan yangi hukmron koalisiya harakatlarini qo‘llab-quvvatlaydi. Fuqarolarning 26 foizi uning ishini salbiy baholaydi, respondentlarning to‘rtdan bir qismi esa o‘z pozisiyasini aniq ifodalay olmagan.