Hodisa Gamburg-Xarburg-Mashen temir yo‘l uchastkasida (Quyi Saksoniya) sodir bo‘ldi, deya xabar beradi BILD nashri.
Deutsche Bahn ICE tezyurar poyezdi favqulodda tormozlanganiga qaramay, katta tezlikda yuk mashinasiga borib urilgan.
Kamida ikki nafar jabrlanganlar bor, dedi o‘t o‘chirish bo‘limi vakili. Boshqa ommaviy axborot vositalari ko‘proq yo‘lovchilar jarohat olgani, jumladan, yuk mashinasi haydovchisi og‘ir ahvolda ekanligi taxmin qilinayotganini xabar qildi.
Voqea joyida qutqaruv xizmatlari, jumladan tez yordam vertolyoti ham bor.
Hodisa Gamburgning Ryonneburg tumanida yuz berdi. Hodisa joyida katta miqdordagi vayronalar borligi, yuk mashinasi jiddiy shikastlangan.
Hamburger Abendblatt nashrning yozishicha, poyezd yaqinlashganda yuk mashinasining orqa qismi relsda bo‘lgan. Ma’lumotlarga ko‘ra, yuk mashinasi temir yo‘l qismlarini ishlab chiqaruvchi kompaniyaga tegishli.
Nashrning yozishicha, yuk mashinasi tirkamasida tashilgan metall qismlar temir yo‘l bo‘ylab sochilib ketgan. Polisiya yo‘lovchilarni evakuasiya qilishni tashkil qilib, ularni voqea joyidan olib o‘tish uchun avtobuslarni chaqirdi.
Hindistonlik talaba Toshkent tibbiyot akademiyasidan norozi bo‘ldi
Fransiya Rossiya G‘alaba bayramiga taklif qilinmaganidan g‘azablandi
Habib YECHLda kim g‘olib bo‘lishini istayotganini aytdi
