Germaniyaning avtomobil yetkazib beruvchi Diepersdorf Plastic Manufacturing kompaniyasi bankrot deb e’lon qilindi, bu 1000 dan ortiq ish o‘rinlariga ta’sir qildi.
BR radiosining xabar berishicha, Bavariyada joylashgan Diepersdorf Plastic Manufacturing o‘z segmentidagi yetakchi kompaniyalardan biri hisoblanadi. U 50 yildan ortiq vaqt davomida plastik materiallarni qayta ishlaydi va avtomobil sanoati uchun logotiplar, emblemalar, dekorativ qismlar, radiator panjaralari va boshqaruv tizimi qoplamalarini ishlab chiqaradi. Kompaniyaning Germaniya va Chexiyada zavodlari mavjud.
Bankrotlikka talabning kamayishi, xom ashyo va energiya narxining oshishi sabab bo‘ldi. Bavariya, Saksoniya va Shimoliy Reyn-Vestfaliyadagi zavodlarning 1000 dan ortiq xodimlari ishdan bo‘shatish xavfi ostida.
Germaniya avtomobil sanoati inqirozga yuz tutdi. 3 noyabr, dushanba kuni avtomobil ehtiyot qismlari yetkazib beruvchi Mahle 1000 ga yaqin ish o‘rinlarini qisqartirishini e’lon qildi. Bosch va ZF Friedrichshafen ham avvalroq ishdan bo‘shatish haqida e’lon qilgan edi.
O‘zbekistonda 4 kishilik oilaning yashashi uchun qancha mablag‘ kerakligi hisoblab chiqildi
Bog‘cha mudirasi ishtirokidagi janjalli vaziyat yuzasidan qaror qabul qilindi (VIDEO)
Rossiya aktivlarining Ukraina foydasiga musodara qilinishiga qarshi chiqqan YEI davlatlari nomlari e’lon qilindi
