Germaniya xabarlarni rad etdi

Germaniya Ukrainaga Patriot zenit-raketa majmualarini yetkazib berish allaqachon boshlangani haqidagi xabarlarni rad etdi,

"AQSh va NATO bilan ushbu masala yuzasidan kelishuv jarayoni hali davom etmoqda", — dedi Germaniya Mudofaa vazirligi vakili Mitko Myuller.

Avvalroq Qo‘shma Shtatlar prezidenti Donald Tramp Patriot tizimlari allaqachon Ukrainaga yetkazib berilayotganini ma’lum qilgan edi.

"Ular Germaniyadan yuborilmoqda. Keyin Germaniya o‘z zaxiralarini to‘ldiradi. Har qanday holatda ham, Ukrainaga yordam uchun NATO davlatlari to‘lov qiladi", — dedi Tramp.