Germaniya Ukrainaga G‘arb turidagi tanklarni bir tomonlama o‘tkazmaydi. Bu haqda Germaniya kansleri Olaf Shols Süddeutsche Zeitung nashriga bergan intervyusida aytib o‘tdi.
"Birinchidan, biz Ukrainani qo‘limizdan kelgancha qo‘llab-quvvatlaymiz. Ikkinchidan, biz NATO va Rossiya o‘rtasidagi to‘g‘ridan-to‘g‘ri qarama-qarshilikning oldini olamiz. Uchinchidan, Germaniya tomonidan hech qanday bir tomonlama harakat bo‘lmaydi. Bu bizning qat’iy, ammo ehtiyotkor siyosatimiz mezoni va u kelgusi yilda ham amal qiladi", — deydi Olaf Shols.
