Germaniya tashqi ishlar vaziri Yoxann Vadeful Fransiya prezidenti Emmanuel Makronning Xitoy tovarlariga mumkin bo‘lgan savdo tariflari haqidagi e’loniga shubha bilan qaradi va "ping-pong effekti" haqida ogohlantirdi.
Bu haqda Germaniya tashqi ishlar vaziri Pekinga tashrifi chog‘ida o‘z pozisiyasini aniq bildirgan.
"Germaniya proteksionizmni tubdan rad etadi. Lekin Xitoy tomoni bu sohada nimadir qilish kerakligini tushunishi kerak", - dedi u.
Vadeful yuqori tariflarni faqat "oxirgi chora" deb hisoblash kerakligini qo‘shimcha qildi va ularning samaradorligiga shubha bildirdi.
"Chunki siz bunday siklga tushib qolsangiz, odatda stol tennisi effekti yoki spiral reaksiyasi yuzaga keladi, bu faqat erkin savdoga zarar keltiradi", dedi vazir.
7 dekabr kuni Les Echos nashriga bergan intervyusida Makron, agar Pekin YEI va Xitoy o‘rtasidagi savdo taqchilligini bartaraf eta olmasa, Yevropa Ittifoqi Xitoy tovarlariga bojlar joriy etish masalasini ko‘rib chiqishi mumkinligini aytdi. Fransiya prezidentining so‘zlariga ko‘ra, u allaqachon Yevrokomissiya rahbari Ursula fon der Lyayen bilan bunday tariflar kiritish imkoniyatini muhokama qilgan. Shu bilan birga, Makron bu masala bo‘yicha yagona Yevropa jabhasini shakllantirish qiyin bo‘lishini ta’kidladi.
Muhammad Saloh jazolanadigan bo‘ldi
Bomba o‘rnatilgan avtomobilning portlashi oqibatida besh kishi halok bo‘ldi
Samarqanddagi “Qorasuv” suv ombori butunlay qurib qoldi
