Gemini Google Docsda matnni ovoz chiqarib o‘qishni o‘rgandi

Google kompaniyasi o‘zining Google Docs xizmatini yanada qulayroq va imkoniyatlarga boy qilishda davom etmoqda. Yaqinda Gemini sun’iy intellektual yordamchisiga tayangan holda, Google Docsda matnni ovoz chiqarib o‘qish (text-to-speech) funksiyasi joriy qilindi.

Ushbu imkoniyat, ayniqsa, vizual imkoniyatlari cheklangan foydalanuvchilar yoki matnni eshitib qabul qilishni afzal ko‘radiganlar uchun juda foydali bo‘lishi mumkin. Foydalanuvchi hujjatdagi matnni bir necha turdagi ovozlar orqali eshitish imkoniyatiga ega bo‘ladi. Bundan tashqari, ovoz tezligini ham o‘z xohishiga ko‘ra sozlashi mumkin.

Funksiyani qanday faollashtirish mumkin?

1. Google Docs hujjatingizni oching.

2. Yuqoridagi menyudan "Asboblar" (Tools) bo‘limiga o‘ting.

3. Qo‘shimcha ravishda paydo bo‘lgan "Audio" bo‘limiga kiring.

4. U yerdagi "Ushbu yorliqni tinglash" (Listen to this section) variantini tanlang.

Ayni paytda bu funksiya faqat ingliz tili uchun amal qiladi. Ammo kelajakda boshqa tillar, jumladan o‘zbek tilida ham mavjud bo‘lishi kutilmoqda.