G‘azodagi qochqinlar lageriga uyushtirilgan zarbada uch kishi halok bo‘ldi, 40 kishi yaralandi

Isroilning G‘azo sektoridagi qochqinlar lageriga bergan zarbasi oqibatida 3 kishi halok bo‘ldi, 40 ga yaqin kishi jarohatlandi.

Bu haqda Al Jazeera yozmoqda.

"Isroil harbiylarining G‘azo sektori markazidagi Dayr al-Baleda ko‘chirilganlar uchun chodirlarga uyushtirgan hujumi oqibatida kamida uch kishi halok bo‘ldi, kamida 40 kishi jarohatlandi", — deyiladi xabarda.

Qayd etilishicha, hujum kasalxona hududidagi chodirlarga qilingan. Hujumdan keyin katta yong‘in boshlandi.