G‘azoda 10 mingdan ziyod talaba qurbon bo‘lgan

G‘azo sektoriga nisbatan davom etayotgan isroil tajovuzi natijasida hozirgacha 400 o‘qituvchi, 10 000 dan ko‘p talaba hayotdan ko‘z yumgan. Bu haqda Falastin ta’lim tizimi rahbari Imsod Barhom brifingda ma’lum qildi.

Mulozimning so‘zlariga ko‘ra, 39 ming kishi ta’lim muassasalariga kirish imtihoniga kira olmayapti.

BMT ma’lumotida urush tufayli 625 000 talaba bilim olish imkoniyatidan mahrumligi keltirgan. Eksklavdagi o‘quv muassasalarining 88 foiziga ziyon yetgan.

Hozir G‘azodagi 2,3 million aholi havo, quruqlik va dengiz orqali uyushtirilayotgan ommaviy bombardimon hamda hududning to‘liq qamal qilinishi tufayli oziq-ovqat, suv va dori-darmon tanqisligidan aziyat chekmoqda. Mintaqa jiddiy gumanitar falokat bilan yuzma-yuz kelgan. Minglab bino, jumladan kasalxona, masjid va cherkovlar zarar ko‘rgan yoki butunlay vayron bo‘lgan.

Halok bo‘lganlar jasadi hamon qulagan binolar ostida, yo‘l chetida qolmoqda. Tez yordam va fuqaro mudofaasi guruhlari qo‘yilgan to‘siqlar tufayli ularning yoniga yetib bora olmayapti. Isroilda esa qurbonlar soni 1200 ga yaqinlashdi.