G‘arbiy Sohilda CNN xodimlariga hujum qilgani uchun to‘rt nafar ko‘chmanchi hibsga olindi

G‘arbiy Sohilda CNN xodimlari ham kiradigan jurnalistlarga hujum qilgani uchun to‘rt nafar ko‘chmanchi hibsga olindi.

Bu haqda CNN Isroil polisiyasiga tayanib xabar bermoqda.

Hujum paytida jurnalistlar Ramallah shimolidagi Sinjil qishlog‘i yaqinida bo‘lib, o‘tgan yilning iyul oyida ko‘chmanchilar tomonidan falastinlik Seif Musaletta o‘ldirilganining birinchi yilligini xotirlash uchun reportaj suratga olishgan.

Kanal ma’lumotlariga ko‘ra, CNN ekipaji va boshqa jurnalistlar ketishga uringanlarida, to‘rt nafar ko‘chmanchidan iborat guruh o‘z mashinalarida yo‘lni to‘sib qo‘yishgan. Ular bolg‘alar, yog‘och va metall tayoqlar va toshlar bilan qurollanib, jurnalistlarni olib ketayotgan transport vositalariga bostirib kirishga urinishgan.

Polisiya va Isroil askarlari voqea joyiga yetib kelishgan, to‘rt gumonlanuvchini hibsga olishgan va jinoyatda ishlatilgan qurollarni musodara qilishgan.

"Isroil polisiyasi va Isroil mudofaa kuchlari har qanday zo‘ravonlik yoki mulkka yetkazilgan zararni, ayniqsa, bu ommaviy axborot vositalari xodimlari o‘z ishlarini bajarishi bilan bog‘liq bo‘lsa, juda jiddiy qabul qiladi", deyiladi polisiya bayonotida.

Isroil rahbariyatining zo‘ravonlikka qarshi choralarni kuchaytirish haqidagi bayonotlariga qaramay, G‘arbiy Sohilda hudud bo‘ylab aholi punktlarining kengayishi fonida ko‘chmanchilar tajovuzi kuchaygan, deb ta’kidlaydi kanal.