Fransiyadagi oziq-ovqat do‘konlari norozilik namoyish etgan fermerlar tomonidan to‘sib qo‘yilgan milliy avtomagistrallarda transport to‘xtatilishi tufayli yetkazib berishdagi uzilishlar tufayli ba’zi mahsulotlar tanqisligiga duch kelmoqda.
Bu haqda BFMTV telekanali xabar berdi.
Unga ko‘ra, respublikaning shimoli-sharqidagi Arden departamentida ayrim supermarketlarda bekon, yogurt, yangi meva va sabzavotlar, salat va tayyor sendvichlar yo‘q. Mamlakatning janubiy qismida (Bush-dyu-Ron departamenti) non va ayrim tez aynidigan mahsulotlar yetishmaydi. Grenoblda (Fransiyaning janubi-sharqida) ba’zi supermarketlarda go‘sht, baliq va pishloqlar yo‘q.
Namoyishchi fermerlar magistral yo‘llarni to‘sib qo‘yishdan tashqari, mamlakatning turli hududlaridagi omborlar va logistika markazlariga kirishni ham to‘sib qo‘ygan.
