Fransiyaning sobiq prezidenti Nikolya Sarkozi tergovga ta’sir ko‘rsatganlik va bosim ostida uy qamog‘ini muddatidan oldin tugatgan va endi elektron bilaguzuk taqish shart emas.
Bu haqda AFP agentligi ma’lum qildi.
Parij prokuraturasi hukmning faqat 2024 yil dekabrida Kassasiya sudi qarori ortidan kuchga kirganini aytdi. Sarkozi bir yil qamoq jazosiga hukm qilingan bo‘lsa-da, sud uning yoshini inobatga olib, muddatidan oldin ozod qilish haqidagi iltimosini qabul qildi. Shu tariqa, 70 yoshli siyosatchi bor-yo‘g‘i uch oyni uy qamog‘ida o‘tkazdi va payshanba kuni 7 fevraldan beri jazoning ijrosini kuzatish uchun taqqan elektron bilaguzuk olib tashlandi.
2021 yilda Parij sudi Nikolya Sarkozini korrupsiya va ta’sir o‘tkazishda aybdor deb topdi. Tergov ma’lumotlariga ko‘ra, 2014 yilda Sarkozi advokati Tyerri Erzog orqali Kassasiya sudining sobiq bosh prokurori Gilbert Aziberdan maxfiy rasmiy ma’lumotlarni olishga uringan. Tergovchilarning ta’kidlashicha, sobiq prezident o‘zining 2007 yildagi saylovoldi kampaniyasini L'Oreal kompaniyasi egasi Lilian Bettenkur tomonidan noqonuniy moliyalashtirish bo‘yicha tergov doirasida musodara qilingan ish yozuvlarini qaytarib bermoqchi bo‘lgan.
Go‘zallik malikasi 9 oyga qamaldi
"Sizlar bizga terrorchi, biz esa sizlarga suv beramiz"
Estoniya va Rossiya o‘rtasida jang chiqishiga sal qoldi
