"Agar biz Ukrainadagi barcha aloqa kanallari va uning barcha fuqarolari uchun javobgarlikni o‘z zimmamizga olishimiz kerak bo‘lganida, buni qila olmasdik. Ochig‘ini aytsam, biz faqat ba’zi muhim davlat xizmatlari uchun aloqani ta’minlay olamiz", – deya izoh berdi kompaniya rahbari Yeva Berneke.
Uning fikricha, Ukraina uchun "bir nechta variantlarga ega bo‘lish" yaxshiroq, Starlink bilan ishlash esa "Oq uyda yoki Mar-a-Lagoda (Trampning shaxsiy qarorgohi) hal qilinishi mumkin bo‘lgan qaramlikdir".
Eslatib o‘tamiz, Germaniya bir yildan beri Ukrainaning Eutelsat sun’iy yuldosh aloqasidan foydalanishini moliyalashtirmoqda. Avvalroq matbuotda Zelenskiy va Tramp o‘rtasidagi keskin munosabatlar tufayli Ukraina uchun Starlink o‘chirilishi mumkinligi haqida mish-mishlar paydo bo‘lgan edi.
