Fransiyada ommaviy namoyishlar va tartibsizliklar fonida ichki ishlar vaziri Loran Nunyes lavozimini tark etishga qaror qildi. Biroq mamlakat prezidenti Emmanuel Makron uning iste’fo haqidagi arizasini qabul qilmadi.
BFMTV telekanali Yelisey saroyi matbuot xizmatiga tayanib xabar berishicha, Nunyes davlat rahbariga iste’foga chiqish taklifini bildirgan.
"Ichki ishlar vaziri Loran Nunyes Emmanuel Makronga iste’fo arizasini taqdim etdi, ammo prezident uni rad qildi", — deyiladi xabarda.
Shu bilan birga, Makron vazirga jamoat tartibini ta’minlash bo‘yicha yangi choralarni qisqa muddatda amaliyotga joriy etish vazifasini yukladi.
Xususan, ichki xavfsizlik kuchlarining tartibsizliklarda ishtirok etayotgan shaxslarga qarshi harakatlarini takomillashtirish talab qilingan.
O‘zbekistondan uchgan ikkita samolyot va yana 370 dan ortiq boshqa reyslar dron tahdidlari tufayli Moskvaga qo‘na olmadi
Rus qo‘shinlari Kiyevga olib boradigan yaxshi asfalt yo‘ldan yurganida...
40 mln odam Janubiy Osiyodan ko‘chishga majbur bo‘lishi mumkin
