Yong‘inlardan biri Oksitaniya mintaqasidagi Sent-Mari-la-Mer kommunasi hududida boshlandi. U yerdan evakuasiya qilingan odamlarning deyarli yarmi kempinglarda yashayotgan edi, olov o‘nlab avtofurgon va bungalolarni vayron qildi.
Bundan ham kuchliroq yana bir yong‘in Oksitaniya mintaqasida joylashgan kichik Puzol-Minervua kommunasi yaqinida yuz berdi. U yerda qariyb 9 kv km maydondagi o‘simlik dunyosi yonib ketdi.
Shuningdek, Marsel shahridan shimolda, Ronyak va Lanson-Provans kommunalari yaqinida ham yong‘inlar yuzaga keldi. Ular sababli, xususan, Marsel, Bordo va Avinyon o‘rtasidagi ayrim poyezdlar qatnovi bekor qilindi.
Fransiya bosh vaziri Sebastyan Lekornyuning so‘zlariga ko‘ra, faqatgina 1 iyul kunining o‘zida butun Fransiya bo‘ylab 12 kv km yer yonib kul bo‘lgan. Mamlakatda o‘rmon yong‘inlari kutilma qilingan muddatdan ikki-uch hafta erta boshlandi, deb qayd etdi u.
Bunga haftalab davom etgan issiq va qurg‘oqchil ob-havo sabab bo‘lgan. Fransiyada iyun oyidagi jazirama 11 kun davom etdi. O‘shanda ko‘plab mintaqalarda havo harorati 40°C dan yuqori ko‘tarilgan edi.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Eron 200 nafardan ortiq amerikalik harbiy xizmatchilarni yo‘q qildi
