Fransiyaning Lion shahrida qamoqxonadan g‘ayrioddiy qochish holati sodir bo‘ldi: mahbus o‘z kameradoshining yo‘l sumkasiga yashirinib, ozodlikka chiqishi kerak bo‘lgan mahkum tomonidan qamoqxonadan olib chiqildi. Bu voqea 11 iyul kuni ro‘y berdi — erkinlikka chiqqan mahbus sumkadagi do‘stini shunchaki olib chiqib ketdi va hech kim buni payqamadi. Qochqin mahbusning yetishmayotgani faqat bir kundan so‘ng ma’lum bo‘ldi.
Le Progrès nashrining Lion prokuraturasiga tayanib xabar berishicha, qochqin 20 yoshlar atrofida bo‘lib, avval ham bir necha bor sudlangan. U ikki nafar odamni o‘ldirish va uyushgan jinoiy guruhda ishtirok etishda gumon qilinayotgan edi.
Qamoqxonada ichki xizmat tekshiruvi boshlangan. Sumkada uni olib chiqqan mahbus esa endi qochishga yordam berganlik (posobnichestvo) moddasi bo‘yicha qayta qamoqqa tushishi mumkin.
📍 Qochish Lion-Korbas qamoqxonasida sodir bo‘ldi. Bu muassasa ancha vaqtdan beri muammoli qamoqxona sifatida tan olingan. BFMTV ma’lumotiga ko‘ra, u 678 mahbus uchun mo‘ljallangan, ammo 1 may holatiga ko‘ra u yerda 1218 kishi saqlanayotgan bo‘lgan — bu normadan deyarli ikki barobar ko‘p.
🔻 Qochishdan keyingi kuni noma’lum shaxs qamoqxona darvozasiga benzin sepib, «Molotov kokteyli» otgan va bir xodimga tahdid qiluvchi plakat qoldirgan.
Nazarboyev boylik reytingida Trampdan o‘zib ketdi
Hindiston hukumati Sentinel qabilasini ro‘yxatga olishda muammoga duch kelmoqda
"Men Falastin davlati mustaqilligi g‘oyasini qat’iy qo‘llab-quvvatlayman, biroq..."
