Fransiyada issiq havo to‘lqini boshlanganidan beri cho‘kib ketish oqibatida halok bo‘lganlar soni 55 kishiga yetdi va hukumat bundan ham ko‘proq bo‘lishidan xavotirda.
Bu haqda Fransiya sport vaziri Marina Ferrari franceinfo nashriga bergan intervyusida shunday dedi.
"Kecha kechqurun cho‘kib ketishlar soni 55 kishiga yetdi, ammo biz vaziyat yomonlashishi mumkinligidan qo‘rqamiz", dedi u.
Shu bilan birga, Pompidou kasalxonasining shoshilinch tibbiy yordam bo‘limi boshlig‘i Filipp Jyuven so‘nggi kunlarda Parij mintaqasida shoshilinch tibbiy yordam holatlari keskin ko‘payganini xabar qildi.
"Odamlar kasalxonaga yetib bormasdan o‘lmoqda. Hatto shoshilinch tibbiy yordam bo‘limida ham bemorlar oqimiga dosh berishga qiynalmoqdamiz", dedi u.
Juma kuni deyarli butun Fransiya materikini qamrab olgan bir haftalik issiq havo to‘lqinlaridan so‘ng 61 ta bo‘lim qizil xavf ostida qoldi.
Météo-France meteorologiya xizmati ma’lumotlariga ko‘ra, shanba kuni 37 ta bo‘limda qizil xavf kutilgan edi.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Rossiyada migrantlarni deportasiya qilish uchun asoslar kengaytirildi
