Fransiyaning Lion shahri yaqinida joylashgan Villerban shahridagi "Errama" masjidida noma’lum erkak Qur’onni o‘g‘irlab, binodan chiqishda uni yoqib yubordi. Bu haqda 3 iyun kuni Rona departamenti masjidlari kengashi saytida xabar berildi.
Ma’lumotlarga ko‘ra, hodisa 2 iyunga o‘tar kechasi sodir bo‘lgan.
«Taxminan soat 03:45 da, ya’ni bomdod namoziga 20 daqiqa qolganda, yuzi niqoblangan shaxs ibodatxonaga kirgan. U Qur’on nusxasini olgan, yoqqan va binoga kirish joyida qoldirib, qochib ketgan», — deyiladi kommyunikeda.
Hududiy masjidlar kengashi bu hodisani «nafrat asosida amalga oshirilgan hujumlardan biri» sifatida baholadi. Tashkilot Fransiyada musulmonlarga nisbatan salbiy munosabat kuchayib borayotganidan jiddiy xavotir bildirdi.
Dahshat! Vafot etgan 88 yoshli ayol tobutda hushiga keldi
Hindiston cho‘kib ketmoqda - yarim milliondan ortiq qurbonlar
G‘arb Kiyevning aerodromlarga qilgan hujumlaridan so‘ng noxush haqiqatni tan oldi
