Fransiya va Gresiya mudofaa sohasidagi ittifoqni yana besh yilga uzaytiradi

Mamlakat rahbari Emmanuel Makron kelasi hafta Gresiyaga tashrif buyurib, ikki davlat o‘rtasidagi xavfsizlik shartnomasini yangilaydi. 2021 yilda imzolangan ushbu hujjat tomonlardan biriga hujum qilingan taqdirda o‘zaro harbiy yordam ko‘rsatishni ko‘zda tutadi. Yangi kelishuvga ko‘ra, mudofaa pakti yana besh yilga uzaytiriladi va keyinchalik u avtomatik ravishda kuchda qoladigan bo‘ladi.

Tashrif davomida Makron va Gresiya hukumati Ho‘rmuz bo‘g‘ozidagi dengiz xavfsizligi masalasini ham muhokama qilishadi. Gresiya Qizil dengizdagi Yevropa Ittifoqi harbiy missiyasiga rahbarlik qilsa-da, Ho‘rmuz bo‘g‘ozidagi harbiy amaliyotlarda ishtirok etishga qarshi chiqmoqda.