Fransiya milliy assambleyasi 15 yoshdan kichik bolalarning ijtimoiy tarmoqlardan foydalanishini taqiqlashni ma’qulladi

Fransiya milliy assambleyasi internetdagi tazyiq va o‘smirlarning psixik sog‘lig‘iga bo‘lgan xavflar ortishi munosabati bilan 15 yoshdan kichik bolalarning ijtimoiy tarmoqlardan foydalanishini taqiqlash to‘g‘risidagi qonun tashabbusini ma’qulladi.

Qonun loyihasi 15 yoshdan kichik shaxslar uchun ijtimoiy tarmoqlar va boshqa onlayn platformalardagi «ijtimoiy tarmoq funksiyalaridan» foydalanishni taqiqlaydi.

Deputatlar tashabbusni ko‘pchilik ovoz bilan qo‘llab-quvvatladi — 116 nafar “qo‘llab”, 23 nafar “qarshi”. Keyinroq loyiha Senatda ko‘rib chiqiladi va so‘ng quyi palatada umumiy ovoz berish jarayonida tasdiqlanadi.