Forbes dunyoning eng ko‘p maosh oluvchi 10 nafar futbolchisini e’lon qildi

«Forbes» nashri 2026/27 yilgi mavsumda dunyoning eng ko‘p daromad topuvchi futbolchilari reytingini e’lon qildi. Unga ko‘ra, «An-Nasr» hujumchisi Krishtianu Ronaldu birinchi o‘rinni egalladi.

Nashr baholashicha, portugaliyalik futbolchining mavsum davomidagi umumiy daromadi 300 million dollarni tashkil etadi. Bu uning eng yaqin ta’qibchisi — «Inter Mayami» hujumchisi Lionel Messining daromadidan ikki baravar ko‘p.

«Forbes» hisob-kitoblarida futbolchilarning klublardan oladigan maoshi va boshqa to‘lovlari, shuningdek, futboldan tashqari faoliyati orqali topadigan mablag‘lari ham inobatga olingan. Ronaldu «An-Nasr»dan 250 million dollar, boshqa manbalar orqali esa yana 50 million dollar daromad olishi kutilmoqda.

Reytingda ikkinchi o‘rinni 145 million dollarlik daromad bilan Lionel Messi egalladi. «Real» hujumchisi Kilian Mbappe esa 100 million dollar bilan uchinchi bo‘ldi.

«Forbes» talqiniga ko‘ra, dunyoning eng ko‘p daromad topuvchi 10 futbolchisi:

1. Krishtianu Ronaldu («An-Nasr») — 300 million dollar (250 million dollar klubdan, 50 million dollar boshqa manbalardan).

2. Lionel Messi («Inter Mayami») — 145 million dollar (70 million dollar klubdan, 75 million dollar boshqa manbalardan).

3. Kilian Mbappe («Real») — 100 million dollar (70 million dollar klubdan, 30 million dollar boshqa manbalardan).

4. Erling Holand («Manchester Siti») — 85 million dollar (60 million dollar klubdan, 25 million dollar boshqa manbalardan).

5. Vinisius Junior («Real») — 76 million dollar (48 million dollar klubdan, 28 million dollar boshqa manbalardan).

6. Lamin Yamal («Barselona») — 55 million dollar (35 million dollar klubdan, 20 million dollar boshqa manbalardan).

7. Sadio Mane («An-Nasr») — 54 million dollar (50 million dollar klubdan, 4 million dollar boshqa manbalardan).

8. Jud Bellingem («Real») — 45 million dollar (29 million dollar klubdan, 16 million dollar boshqa manbalardan).

9. Harri Keyn («Bavariya») — 42 million dollar (29 million dollar klubdan, 13 million dollar boshqa manbalardan).

10. Muhammad Saloh («Trabzonspor») — 40 million dollar (20 million dollar klubdan, 20 million dollar boshqa manbalardan).

Eslatib o‘tamiz, Krishtianu Ronaldu hozirda 41 yoshda. Manbada qayd etilishicha, u yaqinda Portugaliya terma jamoasi ixtiyorini ruxsatsiz tark etgani sababli milliy jamoa o‘yinlaridan chetlatilgan.