Flavio Bolsonaru 70 million ayolni internet va smartfonlar bilan ta’minlamoqchi

Braziliya prezidentligiga nomzod Flavio Bolsonaru saylovda g‘alaba qozonsa, mamlakatdagi 70 million ayolni internet bilan ta’minlamoqchiligini ma’lum qildi. U, shuningdek, mobil telefon sotib olishga imkoniyati yo‘q fuqarolarga telefon tarqatish imkoniyatini ham muhokama qilmoqda.

"Biz allaqachon uyali aloqa operatorlari bilan muzokaralar olib bordik. Ular hukumatga ushbu 70 million ayolni mobil telefonlar orqali internetga ulashda yordam berishdan manfaatdor. Bundan tashqari, saylovoldi dasturimiz doirasida telefon olishga imkoni yo‘q insonlarga mobil qurilmalarning o‘zini taqdim etish masalasini ham ko‘rib chiqyapmiz", — dedi Bolsonaru YouTube-kanalidagi "Brasil por Elas" dasturi taqdimoti chog‘ida.