Slovakiya bosh vaziri Robert Fisoga suiqasd “Progressiv Slovakiya” partiyasi tarafdori, 71 yoshli yozuvchi Yuray Sintula tomonidan amalga oshirilgan — OAV.
Sintula ijtimoiy tarmoqlarda Fisoga nisbatan nafratini bir necha bor ochiq izhor qilgan. “Progressiv Slovakiya” partiyasi suiqasdni keskin qoralab bayonot berdi.
Aktuality nashrining yozishicha, Sintula avval xususiy xavfsizlik kompaniyasida ishlagan va 2016 yilda Levisadagi savdo markazida unga hujum uyushtirilgan.
Fisoga suiqasd uyushtirishda gumon qilinuvchining o‘g‘li ommaviy axborot vositalariga otasida qonuniy ravishda egalik qiladigan qurol borligini aytdi. U, shuningdek, otasi ruhiy kasalliklar shifoxonasida ro‘yxatda turishi haqidagi ma’lumotni rad etadi.
"Fisoga suiqasd uyushtirishda gumonlanuvchi hibsda, mazkur jinoiy ish Slovakiya Milliy jinoiy agentligi tomonidan tergov qilinmoqda", deyiladi mamlakat Ichki ishlar vazirligi bayonotida.
Prezidentdan “dux” olgan Omonboyevaga sud hukmi o‘qildi
Alisher Usmonov nomzodini 103ta davlat qo‘llab-quvvatladi
Rossiya Ukraina hududini «rekord tezlikda» egallab oldi
