Finlyandiyada 1 fevral kuni mehnat bozoridagi islohotlarga qarshi rejalashtirilgan kasaba uyushmalari ish tashlashi mamlakat hayotining deyarli barcha sohalariga ta’sir qiladi va iqtisodiyotga 360 million yevro zarar keltiradi.
Bu haqda mahalliy OAV xabar berdi.
Ish tashlashda 200 ming kishi ishtirok etish niyatida. Mamlakatdagi qator korxonalar ishi to‘xtaydi, chakana savdo do‘konlari va oziq-ovqat tarmoqlari yopiladi, jamoat transporti harakati to‘xtatiladi. Bundan tashqari, Finlyandiyada mehmonxonalar, restoranlar, banklar, tozalash kompaniyalari, pochta bo‘limlari va yetkazib berish xizmatlari ishlamaydi. Mamlakatning deyarli barcha aeroportlarida havo qatnovi to‘xtatiladi.
Finlyandiya iqtisodchilarining fikricha, ish tashlash natijasida mamlakat 360 million yevro zarar ko‘radi.
