O‘zbekiston terma jamoasi hujumkor yarim himoyachi Abbosbek Fayzullayev SSKAdan "Istanbul Bashakshehir"ga o‘tdi. Rossiyalik mashhur insayder Ivan Karpov o‘zining "Insayd ot Karpa" telegram-kanalida xabar berishicha, 21 yoshli Fayzullayevning transfer summasi 7,5 million yevroni tashkil etgan. Bundan tashqari, klublar o‘rtasidagi kelishuvda SSKA Abbosbekning keyingi transferi summasining 10 foizini olishi ko‘rsatilgan. Shartnoma esa, 2030 yilning yoziga qadar mo‘ljallangan.
Abbosbek SSKA safida ikki mavsum to‘p surdi. Futbolchi "armiyachilar" safida 72 ta rasmiy o‘yinda 8 ta gol va 22 ta golli uzatmani amalga oshirdi.
O‘tgan yilgi Turkiya chempionatida "Istanbul Bashakshehir" beshinchi o‘rinni egallagan edi. Hozirda jamoa UYEFA klublar o‘rtasidagi uchinchi turnir - Konferensiyalar ligasi saralashida ishtirok etmoqda.
Islombek Ismoilovga ta’ziya izhor qilamiz
O‘zbekiston milliy terma jamoasi Toshkentda Jahon chempionlariga qarshi o‘ynaydi
UFC jangchisi Shavkat Rahmonovning rafiqasi 10 yilga qamalishi mumkin
