Farg‘ona shahrida Iqtisodiy jinoyatlarga qarshi kurashish departamentining tergovchisi noqonuniy pul mukofoti olayotgan vaqtida ashyoviy dalillar bilan ushlandi. Bu haqda Davlat xavfsizlik xizmati (DXX) matbuot xizmati ma’lum qildi.
Tergov ma’lumotlariga ko‘ra, mansabdor shaxs Jinoyat kodeksining 167-moddasi (Ozlashtirish yoki o‘zlashtirish yo‘li bilan talon-toroj qilish) bo‘yicha qo‘zg‘atilgan jinoyat ishi doirasida ayblanuvchiga yengillik yaratib berishni va’da qilgan. Xususan, u yetkazilgan zarar miqdorini sun’iy ravishda kamaytirish, tergovni ayblanuvchi foydasiga hal qilish hamda unga nisbatan e’lon qilingan qidiruvni bekor qilish evaziga pora talab qilgan.
DXX xodimlari va Bosh prokuraturaning Shaxsiy xavfsizlik boshqarmasi hamkorligida o‘tkazilgan tezkor tadbir davomida gumonlanuvchi jinoyat ustida ushlandi.
Mazkur holat yuzasidan tergovchiga nisbatan O‘zbekiston Respublikasi Jinoyat kodeksining 210-moddasi 3-qismi «a» bandi (Juda ko‘p miqdorda pora olish) bilan jinoyat ishi qo‘zg‘atildi. Hozirda dastlabki tergov harakatlari olib borilmoqda.
Isroilda parlament saylovlari yakunlandi: Netanyaxu uchun kutilmagan natija
17 yoshli qiz o‘ldirilishi 52 yildan keyin fosh etildi: uning ota-onasi haqiqatni bilmay vafot etdi
Zelenskiy Putinga xabar yubordi
