Bosh prokuratura huzuridagi Iqtisodiy jinoyatlarga qarshi kurashish departamentining Farg‘ona shahri bo‘limi tergovchisi 100 ming dollar pora olishda gumonlanib ushlandi, deya xabar bermoqda Davlat xavfsizlik xizmati.
U Jinoyat kodeksining 167-moddasi bilan qo‘zg‘atilgan jinoyat ishi doirasida olib borilayotgan tergov harakatlarini ayblanuvchi foydasiga hal qilish va yetkazilgan zarar miqdorini kamaytirishni va’da qilgan. Bundan tashqari, u e’lon qilingan qidiruvni bekor qilib bermoqchi bo‘lgan.
Holat yuzasidan mazkur shaxsga nisbatan Jinoyat kodeksining 210-moddasi 3-qismi «a» bandi (Juda ko‘p miqdorda pora olish) bilan jinoyat ishi qo‘zg‘atildi. Hozirda tergov harakatlari olib borilmoqda.