Falastinlik faol Tramp ma’muriyatiga qarshi 20 million dollarlik da’vo arizasi topshirdi

Falastinlik inson huquqlari himoyachisi Mahmud Xalil Donald Tramp ma’muriyatiga qarshi 20 million dollarlik da’vo arizasi topshirdi.

U o‘z da’vosida noqonuniy qamoq, qasddan ta’qib qilish va tuhmat uchun tovon puli talab qilmoqda. Xalilning ta’kidlashicha, u G‘azodagi urushga qarshi tinch falastinparast faoliyati uchun “yahudiylarga qarshi” deb yolg‘on ravishda badnom etilgan.

Mahmud Xalil — Kolumbiya universiteti bitiruvchisi va universitetda uyushtirilgan G‘aza urushga qarshi norozilik lagerlari va muzokaralarida qatnashgan faol. U 104 kun davomida AQShning immigrasiya izolyatorida saqlangan.

U o‘z uyi yonida fuqarolik kiyimidagi ICE (immigrasiya xizmati) xodimlari tomonidan ushlangan va ming kilometrdiroqda joylashgan Luiziana shtatiga yuborilgan. Shu davrda uning oilasi va himoyachilari u bilan aloqaga chiqolmagan.

Xalilning advokati bu ishni «adolat ustidan masxara» deb atadi va uning deportasiya qilinishi “inakomfikrlarni jilovlash quroli” sifatida baholadi. Grin-kartasi va AQSh fuqarosi bo‘lgan turmush o‘rtog‘i borligidan qat’i nazar, rasmiylar uni mamlakatdan chiqarishga uringan. Ular Xalilni go‘yoki “tashqi siyosat manfaatlariga tahdid” deb baholashgan.

Xalilning aytishicha, agar unga rasmiy kechirim so‘rash va deportasiya siyosati qayta ko‘rib chiqilsa, u da’vodan voz kechishga tayyor bo‘lar edi.

2024 yil 20 iyun kuni Nyu-Jersi sudi Xalilni ozod qilish haqida qaror chiqardi. Shu orqali u hibsda ekani sababli ko‘ra olmagan yangi tug‘ilgan farzandini ilk bor ko‘rish va qo‘liga olish imkoniga ega bo‘ldi.