Falastin ma’muriyati G‘azoda o‘t ochishni to‘xtatishni qo‘llab-quvvatlaydi

Falastin bosh vaziri Muhammad Mustafo chorshanba kuni Falastin ma’muriyati G‘azo sektorida o‘t ochishni to‘xtatishga qaratilgan barcha sa’y-harakatlar va tashabbuslarni to‘liq qo‘llab-quvvatlashini ma’lum qildi. Bu haqda Sinxua agentligi yozdi.

“Bu qadamlar okkupasiyani tugatish va mustaqil Falastin davlatini barpo etishga qaratilgan siyosiy jarayonga yo‘l ochishga yordam beradi”, – dedi Muhammad Mustafo Lyuksemburg bosh vazir o‘rinbosari va tashqi ishlar vaziri Ksavye Bettelman bilan Ramallohda Iordan daryosining markaziy qismida bo‘lgan uchrashuvda.

M. Mustafo Yevropa Ittifoqi va unga a’zo davlatlarni Isroilga qarshi sanksiyalar joriy etishga va uni xalqaro qonunlarga rioya qilishga majburlashga, shuningdek, Falastin nomidan yig‘ilgan soliq tushumlarini ushlab qolishni to‘xtatishga va barcha ushlab qolingan mablag‘larni qaytarish uchun Isroilga bosimni kuchaytirishga chaqirdi.

O‘z navbatida, K.Bettelman o‘z mamlakati harbiy harakatlarni tugatish, mahbuslarni ozod qilish, G‘azodagi gumanitar azob-uqubatlarga barham berish va butun mintaqadagi vaziyatni pasaytirishga qaratilgan sa’y-harakatlarni qo‘llab-quvvatlashini tasdiqladi.

Shuningdek, u Falastin xalqining mustaqil davlat barpo etish huquqini, BMTning Yaqin Sharqdagi falastinlik qochqinlarga yordam ko‘rsatish agentligining moliyalashtirilishini, BMT rezolyusiyalarining ishlashi va to‘liq bajarilishini qo‘llab-quvvatlashini ta’kidladi.