Evropa Ittifoqidan Trampga shok javob: 28 milliard dollarlik tariflar joriy etildi!

Evropa Ittifoqi Trampga qarshi 28 milliard dollarlik javob tariflarini e’lon qildi.

Evropa Ittifoqi AQSh sanoat va qishloq xo‘jaligi mahsulotlariga 28 milliard dollarlik javob tariflarini joriy etishini ma’lum qildi. Bu Tramp ma’muriyatining po‘lat va alyuminiy importiga bojlarni 25 foizgacha oshirish to‘g‘risidagi qaroriga javoban amalga oshirilmoqda.

Evropa Ittifoqi tariflari 1 apreldan kuchga kirib, oy o‘rtalarigacha to‘liq joriy etiladi.

Ushbu tariflar doimiy savdo nizolariga duch kelayotgan ikki iqtisodiy kuch o‘rtasidagi munosabatlarni yanada keskinlashtirishi kutilmoqda. Vashington Yevropaning kelajakda o‘z xavfsizligi uchun ko‘proq mas’uliyatni zimmaga olishi kerakligini ta’kidlamoqda.

Evropa Ittifoqining bu chorasi prezident Donald Tramp birinchi muddatida Yevropa ishlab chiqaruvchilariga metall bojlarini joriy etganidan beri blokning AQShga qarshi eng jiddiy savdo harakati hisoblanadi.

Yangi choralar Amerikaning po‘lat, alyuminiy, to‘qimachilik mahsulotlari, maishiy texnika va qishloq xo‘jaligi mahsulotlari kabi keng qamrovli eksportiga qaratilgan bo‘ladi.

Evropa Komissiyasi raisi Ursula fon der Lyayen Yevropa Ittifoqining tariflarini AQSh tomonidan joriy etilgan xuddi shunday qiymatdagi tariflarga javoban "qarshi choralar" deb ta’rifladi.

"Biz doimo muzokaralar uchun ochiq bo‘lib qolamiz," - deya ta’kidladi fon der Lyayen o‘z bayonotida. "Biz qat’iy ishonch bilan aytamizki, geosiyosiy va iqtisodiy noaniqliklar bilan to‘lib-toshgan dunyoda iqtisodiyotimizga tariflar yukini solish umumiy manfaatlarimizga zid."