Evropa komissiyasi, Yevropa tashqi harakatlar xizmati va 27 mudofaa vazirlari Ukrainaga o‘q-dorilar yetkazib berishni tezlashtirish va Yevropa mudofaa sanoatini qo‘llab-quvvatlash bo‘yicha rejani yakunladi, deb xabar bermoqda AFP.
Rejada ishtirokchi davlatlarning Ukraina uchun qurol sotib olish bo‘yicha 2 milliard yevro miqdoridagi moliyaviy majburiyatlari ko‘zda tutilgan.
«Maqsadimiz - Ukrainani o‘q-dori bilan ta’minlash. Tez orada, eng katta miqdorda va eng arzon narxda», - dedi Yevropa Ittifoqining tashqi ishlar va xavfsizlik siyosati bo‘yicha oliy vakili Josep Borel.
Ukrainada rus qo‘shinlari har kuni 20 mingga yaqin o‘q otadi, Ukraina armiyasi esa 4-5 baravar kamroq.
9 fevral kuni Ukraina prezidenti Vladimir Zelenskiy Yevropadan Kiyevga million dona o‘q-dori, jumladan, 155 millimetrlik snaryadlar yetkazib berishni so‘radi.
DPA agentligi ma’lumotlariga ko‘ra, Yevropa Ittifoqi yaqin 12 oy ichida aynan shunday qancha yangi artilleriya o‘qlarini Kiyevga yetkazib berishni rejalashtirgan.
Tojikistonda bahorgi muddatli harbiy xizmatga chaqiruv rejasi 70 foizga bajarildi
Din ishlari bo‘yicha qo‘mita xodimlari o‘rtasida janjal kelib chiqdimi?
Rossiya iqtisodiyoti qulashi mumkin
